金記冰室 (新都城中心二期) (Closed)

金記冰室終於開到嚟將軍澳， 冇飯開嘅打工仔又有新地方買外賣～七點鐘去到， 很多人在等外賣。 肥哥哥部長忙到團團轉，佢話人手唔夠， 終於有機會落單等咗一陣都唔算太耐。晚市抗疫期間外賣77折比較抵！鮮茄芝士焗牛脷飯番到屋企仲好夠熱👍 表面有厚厚嘅肉茄， 和焗到好香嘅芝士。 個飯炒過先至焗做到乾身效果。牛脷大件又夠厚， 直情有鋸扒嘅感覺， 又夠腍入味， 很久沒有吃過咁出色嘅焗牛脷飯。 外賣最佳選擇， 絕對夠熱又冇咩走樣。加咗個西式例湯，羅宋湯好舊酸好夠辣麻婆豆腐飯估唔到味道又非常之四川～ 有川椒嘅辣， 唔係港式嘅麻婆豆腐， 飯同餸分開放。 對我來說啱啱好， 辣得過癮！豆腐好滑仲有炒香的肉碎 ！金記四寶飯通常諗唔到食咩就會叫個三寶，四寶飯。金記四寶原來包括厚厚嘅餐肉，腸仔， 火腿和煎蛋！除了隻煎蛋， 其餘都係打孖上！ 仲可選燒汁，蒜蓉汁，黑椒汁或豉油， 很有鋸扒嘅感覺！ 個飯絕對係大件夾抵食！👍😋茶餐廳唔飲凍奶茶好似缺少咗啲嘢， 凍奶茶茶味香濃。