雲陽閣 (Moved) New Location

同朋友經過美麗華找地方食LUNCH﹐諗起呢度有一間“雲陽閣”未食過﹐於是就決定試下。入門口﹐首先見到專門斟八寶茶的長嘴茶煲﹐於是諗都無諗就叫兩客八寶茶。茶裡面D料都算足﹐但味道就並不特別出色﹐內地有不少的酒樓所調配的八寶茶都比雲陽閣好﹐價錢只是三分一﹐不過﹐始終係香港及中國之別﹐相比之實在不公平。但斟茶的那位人兄技術認真麻麻﹐斟幾次水檯布已經濕到一撻撻﹐呢D技術﹐距離“可以見人”仲有一段距離!請訓練一下斟八寶茶的技巧吧﹐自己人見到無所謂﹐如果被識貨的游客見到就真係失禮了。食物方面﹐胡椒炒豬肉味道很不錯﹐但豬肉略嫌太細太碎﹐大塊一點相信會更好。麻辣牛肉麵絕對夠麻﹗味道亦都幾好﹐但辣度應該係為遷就一般顧客﹐未到應有的辣度。整體上都算水準之作。可能已經有點飽﹐覺得生煎包水準一般﹐其實客觀地說﹐應該是不錯的。最後要了一個甜品﹐拔絲蘋果﹐做得唔錯﹐蘋果肉已熟透但並無話太“爛”﹐糖漿做得精彩﹐從冰水浸完出黎﹐真係做到脆皮的效果﹐清甜甘香﹐外脆內軟﹐正﹗不過$70有8件﹐兩個人食就真係太多﹐建議四個人食先好叫﹐就會每人兩件剛剛好。服務就...可以說是合格吧﹐我expect的﹐全部都有做到﹐但並唔Fr