榮家糕點烘培店 (Closed)

落深水埗買遊戲機，咁啱落車經過，記得早排見過介紹，就停低買咗打拔絲蛋糕 $55 同 $24/3件 冰鎮砵仔糕。先講冰鎮砵仔糕，我買咗3個，味道分別係椰子紅豆、菠蘿同桂花。食落似食緊大菜糕，自己個人嚟講就唔太鐘意大菜糕嘅口感。菠蘿無咩味，椰子紅豆同桂花味係ok嘅，甜度都係偏淡一點。拔絲蛋糕原來係蛋糕mix肉鬆，$6/件，$15/3件，$55/打。蛋糕細細件，口味多，有成十幾款，不過特別少少嘅口味要星期六、日先有！而我買咗榛子、牛油、朱古力、抹茶杏片、咸蛋味、芝士味。咸蛋味係必選嘅！芝士味都唔錯！撕開蛋糕見到一絲絲，口感到普通蛋糕軟度差不多，但食落係有一絲絲肉鬆的，挺特別！