Video
Read full review
2024-01-18
20 views
奧海城最近開咗一間新嘅日本餐廳鮨樂✨作為一個日本菜愛好者 表示很高興🥹呢度裝修滿滿日本風 而且好寬敞 食物種類仲有好多選擇聽講呢度間中會有吞拿魚解體show 雖然我去嗰日冇 不過我係唔會放過食吞拿魚嘅機會🥢而且而家有個是日推介菜單 當日有超過10款有半價‼️ꕥ 令和の怪物生蠔手掌般大🦪肉質飽滿 甘甜味突出ꕥ 本鮪刺身赤身/中拖羅/大拖羅各2切🥹赤身充滿光澤 食到吞拿魚嘅原始鮮味 最鐘意中拖羅油脂分布平均 有溶化感 最矜貴嘅大拖羅十分肥美 滿滿油脂 入口柔軟ꕥ 本鮪壽司盛合ꕥ 本鮪拖羅丼我承認我哋係食咗本鮪刺身之後再追加咗呢兩樣😆質素實在係驚喜 當吞拿魚用咗喺造壽司同丼飯時 依然係出色 壽司盛合除咗三款拖羅外 仲有一款係炙燒嘅 魚油感覺更加豐盛✨而拖羅丼就由中拖/赤身同埋吞拿魚蓉組成 吞拿魚蓉幼細香滑 配蔥花一齊食特別香👍🏻ꕥ 時令刺身盛合7款刺身嘅組合 赤貝新鮮爽口 牡丹蝦好大隻 口感細綿 池魚夠甘香 三文魚腩都好鮮甜綿密🐟另外仲有大拖羅赤身ꕥ 時令鮮魚薄切採用時令白身魚做刺身 較特別係呢款會配上一個酸酸甜甜嘅醬汁🫙令到鮮味更加突出ꕥ 鹿兒島西冷和牛巨切壽司輕燒過嘅和牛 充滿香濃牛味同有
聽講呢度間中會有吞拿魚解體show 雖然我去嗰日冇 不過我係唔會放過食吞拿魚嘅機會🥢而且而家有個是日推介菜單 當日有超過10款有半價‼️
ꕥ 令和の怪物
生蠔手掌般大🦪肉質飽滿 甘甜味突出
ꕥ 本鮪刺身
赤身/中拖羅/大拖羅各2切🥹赤身充滿光澤 食到吞拿魚嘅原始鮮味 最鐘意中拖羅油脂分布平均 有溶化感 最矜貴嘅大拖羅十分肥美 滿滿油脂 入口柔軟
ꕥ 本鮪壽司盛合
ꕥ 本鮪拖羅丼
我承認我哋係食咗本鮪刺身之後再追加咗呢兩樣😆質素實在係驚喜 當吞拿魚用咗喺造壽司同丼飯時 依然係出色 壽司盛合除咗三款拖羅外 仲有一款係炙燒嘅 魚油感覺更加豐盛✨而拖羅丼就由中拖/赤身同埋吞拿魚蓉組成 吞拿魚蓉幼細香滑 配蔥花一齊食特別香👍🏻
ꕥ 時令刺身盛合
7款刺身嘅組合 赤貝新鮮爽口 牡丹蝦好大隻 口感細綿 池魚夠甘香 三文魚腩都好鮮甜綿密🐟另外仲有大拖羅赤身
ꕥ 時令鮮魚薄切
採用時令白身魚做刺身 較特別係呢款會配上一個酸酸甜甜嘅醬汁🫙令到鮮味更加突出
ꕥ 鹿兒島西冷和牛巨切壽司
輕燒過嘅和牛 充滿香濃牛味同有充足油份🐂肉嫩軟稔
ꕥ 汁燒原隻活北寄貝
用一個小爐送上 加一小片牛油慢慢燒🫕北寄貝爽彈 而下面嘅昆布吸收咗啲鮮味同牛油 都好好食
ꕥ 蟹味噌甲羅燒
唔難發現我食日本嘢 經常會叫甲羅燒🤣好喜歡蟹肉蟹膏嘅濃郁味道 呢度特別在係用白飯魚干餅配埋食
ꕥ 迷你南瓜雪糕
食到勁飽 都要食埋甜品🍨店舖自製嘅南瓜雪糕 小南瓜造型賣相可愛 開頭食嘅時候係淡淡嘅南瓜味 食食吓去到中間就越嚟越甜 好正🤤
Post
