旺囍車仔麵 (Closed)

平時搵食都係食放題 今日心血來潮 就一於同Friend 食車仔面啦 中學回憶>< 係旺角行完街 就搵到呢間旺囍車仔面 手睇落去新開冇耐 一入到去 雖然唔係好大間 但都有唔少人 整體黎講都算乾淨 同埋裝修都幾特別 只係D位細左少少 唔咁理多 真係好肚餓 就快D拎住個點心紙劃劃劃 個點心紙係環保果D 可以多次使用 同埋員工都幾多下 所以一有需要好快就會有人招呼....講番野食先 D餸比想像中多料 因為平時食親D餸幾拼都係得果兩三粒 而呢間野就D餸仲多過D面 呢樣值得一讚 最正係牛坑腩 肥瘦岩岩好 而且好入味 同埋爽脆魷魚 好爽口 只係辣左少少 可能個人唔太食得辣啦 之後我地仲點左D小食 生菜手打魚肉湯 好清甜 同埋好多菜 仲有d雞中翼都嫩滑 呢間野都幾正 同埋價錢合理 而且多選擇 下次會再黎 ^D^