為食仔海鮮火鍋專門店

Open Now

Now Closed

朋友一見到我張相，就知道我今日去左為食仔食卜卜蜆。旺角呢間卜卜蜆真係好出名。我地點左一份招牌卜卜蜆鍋黎到見到成煲都係蜆，隻隻都好大隻，睇落都好震撼。我哋叫咗走辣，不過個湯底都唔會嫵媚。水滾之後啲蜆都陸續開口，隻隻蜆都肥美飽滿，鮮甜而且無沙。叫左一份「邊抓」，邊就即係牛肋骨位、包圍牛腩嘅肌肉，脂肪會比較多，不過肉味香而且有質感。鵝肝蝦丸蝦肉爽口彈牙，食到入面有鵝肝，鵝肝味道濃郁突出，一試難忘。炸雞軟骨小食我哋都嗌左啲小食，用嚟送酒就啱晒嘅炸雞軟骨，炸漿唔會太厚，食落好香。