元洲牛肉麵 (青華閣) (Closed)

正值午飯時間經過長沙灣，同友人煩惱緊食咩既時候，經過左哩間元州牛肉麵。本來打算入去醫飽個肚就算，但點知一食原來有驚喜。既然黎到牛肉麵店，當然要試下佢個元洲招牌牛肉麵。餐牌仲寫住湯底係精心炮製，更加想試下佢，而友人就揀左個餃子乾拌麵。落單冇耐，牛肉麵就整好，驚喜既地方係牛肉有三大塊，厚切，咬落去係軟身，仲好香牛肉味，超級好味。個湯底都好濃，但一D都唔咸，果然真材實料！友人個豬肉餃子王乾拌麵都不相伯仲，有四大隻餃子，皮薄、多汁，一食落口就想繼續食落去。麵條方面，佢係滑身白色既粗面，份量足夠，配上湯底/醬料非常好食。值得一試。