西貢金雞海南雞

Open Now

Now Closed

呢一間海南雞我哋屋企時不時都會食，有時會外賣返屋企，有時會直接堂食。佢嘅招牌菜去骨海南雞個人覺得真係唔錯，每一次食佢啲雞嘅肉質都係好嫩滑，而且佢啲雞油喺烹飪嘅過程中已經揮發左，令到你食埋啲雞皮都唔會覺得肥。我自己覺得啲師傅真係好犀利，因為除咗雞翼之外，其他部份都係去晒骨，令到客人好容易就可以食到啲雞。除此之外，食海南雞飯一定要點埋佢三種醬汁先好食。佢有三隻醬汁，第一種係甜豉油，第二種係薑蓉，第三種係酸辣醬。我個人覺得酸辣醬係最好食，因為佢酸酸辣辣好開胃。我自己覺得呢一間都幾抵食。如果自己去街市買隻雞煮一餐，咁不如去買隻現成的無骨海南雞仲好，又可以慳返啲功夫。