一樂食館 (Closed)

有日出左去拿些東西給朋友，順手吃下午茶，諗住求其一餐，度度都唔少人，呢度反而無咩人，就坐低幫襯。有一般的茶餐廳下午茶，但見佢話自己的叉燒是招牌貨，雖然眼見的不是，又叫一碗叉燒米來試試，看是否其貌不揚但好食。碗野來到，幾多叉燒，但味道跟賣相一般的差，唔夠味又韌，如此冠以招牌之名，真有點牙煙，如此推算，咁其他東西真係不用再吃了。米粉就不過不失，夠大碗。十蚊，又幾平，諗住平平地搞掂一餐，未嘗不可。不過如果行上兩條街去結志街或行番落去金華，再靚的叉燒都有。