糖老鴨 (Closed)

(好耐冇寫食評啦！終於有間舖令我寫返食評)今日一早要去太和做嘢，做到差唔多四點鐘見有小小肚餓小小攰又好熱於是係附近睇吓有咩食同埋休息下！見到個招牌寫著糖老鴨甜品(個名又幾duck意!)行到入去坐低望吓個Menu有D咩飲品可以解喝見到寫住菊花蜂蜜！咁就叫一杯試吓！飲落都好清甜！消暑一流!味道有8分半（10分係滿分)再睇吓有D咩食可以醫肚，見到佢地個menu有好多款俾你揀！於是揀咗款朱古力花生醬味嘅朱古力窩夫（本人好鍾意食花生醬同埋朱古力)等咗5鐘到一上抬我嘩咗一聲賣相好靚!一食食到好香花生醬味同埋食到D朱古力窩夫入便有D朱古力粒係入便真係好耐冇食個咁好食嘅窩夫(下次一定要同朋友去食多幾次試埋其他野！見佢地menu仲有好多特別野）味道有9分半，有半分等佢地都進步！