Espresso Alchemy (Closed)

大部份在WK廣場的店舖都係買運動用品的，突然間有間特色咖啡店，我就係比依個環境加佢地個招牌吸引到。Alchemy 意思係煉金術，唔通佢地啲咖啡真係咁出色！麥香松露炒蛋配德國香腸薯仔沙律 - 炒蛋OK，無加奶都算炒得好滑，蛋味夠香。個沙律菜配黑陳醋，我覺得好好味，酸味配合得宜，醒胃後可以繼續試下樣菜。煙肉忌廉意粉 - 味道唔錯，意粉掛汁都控制得好好，亦都好夠味，但如果醬汁可以再以傑少少、多少少同埋意粉改用幼少少就會更加正，咁就可以更多掛汁，一定更好食。Cappacino - 每日都飲咖啡既我，當然要試下佢地啲咖啡啦。咖啡味香，我估用左哥倫比亞既咖啡豆，比較無咁 Strong，鮮奶同咖啡比例得宜。Brownie - 老實講我覺得佢比較似朱古力蛋糕，原因係比較淋，通常Brownie 都係比較硬身，又有啲果仁，食落去有啲咬感，但朱古力味都絶對足夠，配咖啡都好好食。