回味餃子豬．牛．鵝粉麵專門店

Open Now

Now Closed

夜晚食個有質素嘅快餐會係點？我覺得香港人離唔開嘅係一定係面檔！真係總有一間喺你附近！平時食牛腩牛雜魚蛋河就食得多，今次係第一次食全鵝宴嘅湯麵！就係佢哋嘅鵝寶寶，有鵝腸、鵝血、鵝腎、鵝翼同埋主角鵝肉！五拼每一個口味都會少過單或者雙拼，但係因為未食過我就樣樣都想試吓！我自己最鍾意食嘅係鵝腸同埋鵝肉！除咗鵝肉其他都係第一次食，鵝腸嘅口感幾特別！脆脆地咁！湯麵嘅話可以加埋佢哋嘅辣椒油，好香好好味！另外叫咗酸辣湯，好大碗，都好濃稠！另外加咗兩款涼菜，覺得雲耳係唔錯嘅選擇！