小火山 (Closed)

首先，呢度有任食嘅蝦片作前菜，而且蝦片又脆又大塊又好味，好開胃！🍤緊接住，我地就要揀湯底了，咁我揀左牛骨湯底同椰子雞湯底，牛骨湯底濃郁，長時間熬煮令骨骼軟化，會釋放出營養物質，對消化系統好好，而且牛味好足。另外，椰子雞湯底清新，雞肉滑嫩，椰香味濃，一啖一啖都係暖心入味。🍜肉類拼盤有千歲米豚肉眼、伊比利亞黑毛豬梅肉、A級豬腩同泰式豬頸肉。每一款都有獨特嘅風味，一次過嚐到唔同嘅肉質同滋味，肉質柔軟，食得出好新鮮。🍖呢個小火山三味刺身一口杯盛合係必點，有新鮮嘅生蠔、三文魚同生蝦，經過泰式調味更惹味了。🍣 泰式豬梅花肉片沾上蛋液後更滑溜。🐽最後，朋友來杯椰子冰沙，清涼解渴，我點左芒果雞尾酒。最後，甜品方面唔可以錯過芒果糯米飯，芒果嘅清香同糯米飯嘅Q彈，簡直係絕配！🍹🥭