The Salted Pig (D2 Place) (Closed)

今晚睇完戲順便來食個英式晚餐，以豬為主打的餐廳確實不多，所以對它充滿期望。豬肋骨小食有驚喜，比想像中好食，可惜點了一款豬菜式，留待下次食全豬宴先得~香脆豬肋骨 $128豬肋骨表面出奇地酥脆，非一般的炸排骨可媲美，食落香口惹味甚有驚喜，配以波本酒楓糖醬味道酸甜，充滿果香超級好味。白酒煮荷蘭藍青口配薯條 $178青口雖殼大肉較細粒，但味道濃充滿海水味，質素唔錯。薯條外層內軟炸得唔錯。太平洋蟹餅 $138蟹餅兩大件好厚身，外層炸得金黃香脆，內裡絲絲蟹肉份量唔少，配以青檸蒜香蛋黃醬酸甜減油膩，一件夠晒滿足。西班牙海鮮飯 $218海鮮飯以鑊仔盛載保持熱度，飯量不多每粒飯都入晒味，海鮮配料十足，有蝦、大蜆、青口、魷魚、魚柳、煙雞肉、辣肉腸等非常豐富。