可可豬椰香海南雞專門店

Open Now

Now Closed

成日返工放工都經過呢個轉角位，記得前身係間小食店。今日經過發覺呢個位置新開左一間海南雞飯外賣店，主打椰香海南雞飯。佢門外仲有個自助點餐機，好方便，慢慢揀。呢度既海南雞原汁原味無加味精架，仲落左椰子齊煮，食落去真係有椰子香味，而雞肉肉質滑嫩。唔單止雞肉有椰香，連油飯都有椰香，我都好少食到呢個口味既海南雞飯。個飯仲送埋雞湯添，真滿足。我仲叫左青木瓜大蝦沙律，份量十足，木瓜絲酸辣爽口，大蝦都好新鮮，健康又開胃。飲埋支金羅漢果養生茶，感覺健康又清新，係用羅漢果、菊花、杞子、果皮整架。