Seafood ghost (Closed)

石門越嚟越多正嘢食，今次我就幫襯咗開咗都一陣子嘅Seafood Ghost。原本想試下佢哋嘅手爪海鮮，但原來轉咗另一份新menu，今期係招牌烤魚+火鍋。新menu選擇都非常豐富，不過因為得我同我朋友兩個人食，所以都唔敢叫太多嘢食。招牌烤魚（海鱸魚、海南黃金酸辣口味）海鱸魚本身有烤香，所以湯一滾就食得。魚肉鮮嫩而且厚實，海南黃金酸辣口味、係南瓜加上酸菜，南瓜令湯頭酸辣得嚟帶甜味，同海鱸魚非常之夾。牛胸爽見到有牛胸爽，當然唔可以錯過啦。夾住滾半分鐘就可以，十分爽口、牛味豐富。嫩鴨鴨血鴨血有彈性而且滑嫩多汁。可惜嘅係原來鴨血同海南黃金酸辣口味唔係太夾，睇嚟都係重慶香辣烤魚口味湯底比較合適。生腸頭生腸據說含有天然荷爾蒙同胎盤素，有養顏美容功效。不過我同朋友都唔係為咗美顏，生腸的同牛胸爽一樣，口感爽脆不膩，所以非常中意食。水蜜桃乳酸梳打散發著水蜜桃嘅濃郁芳香，鮮甜美味。熱情果乳酸梳打熱情果同乳酸味都好足，會飲到一粒粒熱情果核，成杯飲品都好凍好解渴，啱哂火鍋飲。