棋哥燒鵝 (Closed)

係尖沙咀搵食 友人想食燒鵝 就俾佢掛出黎嘅燒鵝吸引咗而我就唔想食飯 就叫咗常餐 首先 友人嘅燒鵝燒腩仔飯到咗嘩 d鵝超級肥美 最鐘意層皮 燒到好脆 中間舊脂肪真係不得了 有圖有真相 之後到我既常餐 揀咗叉燒公仔麵 叉燒份量都算多，算係半肥瘦 食落唔會好乾 至於跟常餐既炒蛋火腿牛油多士（我要咗包）炒蛋十分正 最鐘意生生地既炒蛋 食落夠滑 另外有得加$28叫一碟細例牌嘅手撕雞，有得食多一種餸都開心嘅，不過手撕雞食落都幾鹹下，如果配飯食應該會好味d 餐飲揀咗一杯凍朱古力、一杯熱華田 不過不失啦兩個人晚餐食咗一百五十幾蚊 係尖沙咀黎講 算係親民價 不過 餐廳地下比較滑～ 如果比較乾淨更好～