醉藥雞 (啟志樓) (Closed)

今日去荃灣探朋友，到左下午茶時間，當然由朋友帶路去搵野食啦。最後佢帶左我黎到呢間主打砂鍋生滾麵既茶餐廳，生滾粥就食得多，但生滾麵第一次食。麵底可㨂米線、米粉、刀削麵、大光麵，麵底好多選擇。生滾麵用小鍋裝住，熱騰騰送到枱上。砂窩雲吞雞/砂鍋人參雞/ 砂窩醉藥雞配刀削麵：三種湯底濃郁程度各有不同，每種湯底各有特色同功效，全部都無落防腐劑架。湯底入面有淮山、木耳、紅棗。雲吞雞肉質嫩滑，雲吞紮實有口感；人參雞湯底香濃，陣陣人參香味；醉藥雞帶藥材香氣，這個湯底行氣活血，好滋補，果然係餐廳招牌菜。醉三鮮(鮑魚、蝦、花螺)：肉質爽口彈牙，酒味濃郁。🔎醉藥雞 (啟志樓) (荃灣)📍荃灣路德圍8號啟志樓地舖