祥仔辣辣 (海運大廈) (Closed)

知道尖沙咀LCX開左祥仔辣辣，今日LUNCH同同事黎試下~餐廳裝潢極具心思，走懷舊風，仲有海景位坐，環境夠哂寬敞舒適。午市套餐價錢相宜，選擇頗多。龍蝦湯配蝦球可選配米線或拉麵，仲有特色四小碟。龍蝦湯底鮮味十足，香濃美味，三大隻蝦球爽口彈牙，拉麵有咬口。特色四小碟揀左以下四款：酸辣紅海蜇花—酸辣爽脆川味口水雞—肉質嫩滑夠香辣麻辣粉皮—煙韌彈牙好惹味紅塵脆香芋絲—芋味濃郁，香脆滋味紅燒牛腩石鍋飯牛腩口感軟嫩Q彈好入味，咬落充滿肉汁好有嚼勁。石鍋飯係粒粒分明既蛋炒飯～招牌祥仔酸菜魚湯頭酸香鮮美，惹味又開胃，魚肉爽滑，唔會一夾就散，仲附有大量豐富配料如酸菜、芽菜等，酸辣醒胃，香辣又過癮。飲品揀左日式紅豆豆漿、百香果菠蘿茶。顆粒狀紅豆綿密不膩口，搭配豆漿，甜度剛好。百香果菠蘿茶果香馥郁，清甜解渴。