肉骨皇 (Closed)

我好鍾意去大坑覓食，果到有不少既特式同懷舊餐廳，每次試一間都有排試呀！今次就簡左呢間星馬餐廳，好想試下佢既招牌肉骨茶，肉骨茶有調節免疫功能同抗發炎既作用，仲可以提升新陳代謝，疫情期間飲就最岩架喇！招牌肉骨茶（細）見到招牌兩個字就一定要試下，肉骨茶會用個煲仔裝住再用小火爐加熱，夠曬熱辣辣。材料都好豐富，包括有排骨、枝竹、豆卜、冬菇同金菇，排骨炆到好腍好入味，份量都幾多，夠兩個人食，點埋自家製嘅醬汁，甜甜地蒜蓉味又幾惹味。肉骨茶個湯底藥味吾會太重，係帶少少甜味，同平時出面食既有d吾同，至於呈金黃色嘅油飯，米飯粒粒分明，仲有好香濃嘅雞油味，配肉骨茶食真係一流。美祿恐龍 美祿頂層會有一個美祿粉小山丘，超濃郁既美祿令人飲到停吾到口。