Video
Read full review
2025-02-27
87 views
餐廳：雞駅花膠雞米線專門店 (觀塘)地址：觀塘開源道60號駱駝漆大廈第三座1樓I室相信喺觀塘住或者返工嘅人，都唔會未聽過雞駅花膠雞米線專門店🍜，原來唔經唔覺佢哋已經開咗兩年，仲喺啱啱1月開咗第3間分店，事關駱駝漆大廈嘅分店長期爆滿，就算有埋東廣場同埋駿業里分店都依然繼續有好多客人，認真誇張🤪究竟喺咩因素令到咁多人走去幫襯呢間米線專門店呢？望望餐牌見到有接近20款米線(可以轉做米粉、上海麵或者飯)，主食價錢多數四十幾至六十幾蚊為主，而湯底就專心做好濃雞湯、蕃茄湯、胡椒湯同麻辣湯🌶️，亦有水煮湯同埋拌麵比你揀，另外有10幾款小食同飲品，有部分仲喺自家製👏，例如今次飲嘅凍檸檬薏米水咁(+$18)✝️招牌花膠雞上海麵 $73話明喺招牌冇理由唔試，湯底用咗足料三黃雞熬製，雞湯濃郁鮮香無味精，三黃雞嫩滑無雪藏味🐔，另外有好幾塊爽滑花膠，加埋蟲草花、木耳等配料，配埋每日鮮製嘅彈牙上海麵，夠晒豐富又飽肚👍✝️胡椒花甲粉 $58雞駅嘅花甲粉務求做到碗碗都咁鮮甜，每日都喺新鮮製唔會留過夜，花甲嘅鮮味加埋純厚嘅胡椒辣香，成為咗成碗粉嘅靈魂😍，我好鍾意呢個湯底，忍唔住連埋米線一齊喺咁飲。除咗接近十隻鮮甜飽滿又唔腥嘅
地址：觀塘開源道60號駱駝漆大廈第三座1樓I室
相信喺觀塘住或者返工嘅人，都唔會未聽過雞駅花膠雞米線專門店🍜，原來唔經唔覺佢哋已經開咗兩年，仲喺啱啱1月開咗第3間分店，事關駱駝漆大廈嘅分店長期爆滿，就算有埋東廣場同埋駿業里分店都依然繼續有好多客人，認真誇張🤪
究竟喺咩因素令到咁多人走去幫襯呢間米線專門店呢？
望望餐牌見到有接近20款米線(可以轉做米粉、上海麵或者飯)，主食價錢多數四十幾至六十幾蚊為主，而湯底就專心做好濃雞湯、蕃茄湯、胡椒湯同麻辣湯🌶️，亦有水煮湯同埋拌麵比你揀，另外有10幾款小食同飲品，有部分仲喺自家製👏，
例如今次飲嘅凍檸檬薏米水咁(+$18)
✝️招牌花膠雞上海麵 $73
話明喺招牌冇理由唔試，湯底用咗足料三黃雞熬製，雞湯濃郁鮮香無味精，
三黃雞嫩滑無雪藏味🐔，
另外有好幾塊爽滑花膠，加埋蟲草花、木耳等配料，配埋每日鮮製嘅彈牙上海麵，夠晒豐富又飽肚👍
✝️胡椒花甲粉 $58
雞駅嘅花甲粉務求做到碗碗都咁鮮甜，每日都喺新鮮製唔會留過夜，花甲嘅鮮味加埋純厚嘅胡椒辣香，成為咗成碗粉嘅靈魂😍，我好鍾意呢個湯底，
忍唔住連埋米線一齊喺咁飲。
除咗接近十隻鮮甜飽滿又唔腥嘅花甲，仲見到有青瓜🥒、娃娃菜、木耳、芝麻、金菇、枝竹做配菜，都咪話唔落足心機❤️
✝️麻藥蛋 $28
撈飯食一流嘅麻藥蛋，喺用咗溏心蛋加上多款辛香料調製而成，除咗滋味溏心蛋香，
最令人食唔停口嘅喺大量芝麻同香蔥，仲有麻油嘅配搭，一試難忘🤤
Post
