雞駅花膠雞米線專門店

Open Now

Now Closed

今日去左觀塘見個客, 做曬野后同個客傾下觀塘有咩好食又抵食. 佢就介紹左間超高人氣. 永遠都有人排緊隊嘅小店. 佢話如果食飯時間去的話, 排隊時間可能仲多過食嘅時間. 攪到我都想去試下. 我醒目當然避開午飯時間啦. 2點左右去應該唔使排喇掛. 去到門口仲有2枱人客排緊. 唔係好多. 當然排啦.  門口放左餐牌可睇定食咩. 佢地主打花膠雞湯米線. 最後等左10分鐘到有位.  店內真係人頭湧湧. 坐無虛席. QR CODE  落單.  叫左我最愛嘅藥膳黃酒花膠雞米線 $68用料足紅棗當歸川芎木耳滋補藥材 好香嘅藥材味. 雞件勁多而且好滑仲有花膠4-5塊，真係估唔到咁多料.  個湯好香濃鮮美, 米線Q彈, 最後我係飲曬D湯. 麻藥雞伴麵 $68 同事試左個人伴麵. 真係有驚喜. . 勁香嘅麻油味 雞件又多仲有隻流心蛋超正.金磚豆腐 $42    — 熱辣辣 金黃酥脆 外脆內軟， 內裡好軟滑。呢餐真心抵食好食. 不過真係好多人去. 如果可以避開食飯時間, 早D或遲少少去就會慳少少時間. 呢間小店值得去食. 唔講太多, 你地自己去試下喇. 雞駅花膠雞米線專門店地址: 觀塘開源道60號駱駝漆大廈3

由佢啱啱開業史努比已經bookmark咗結果拖拖下 拖到而家先去🤣🤣因為佢長期排長龍呢間嘢真心勁誇張 無論系中午定夜晚都排長龍排到癲唔早啲去就有排等架啦🫣好彩史努比醒目 5點幾未到6點就即刻去坐低咗冇耐 一搭正6點佢就開始排隊啦😂嚟到梗系要試下佢哋嘅signature花膠雞米~👍🏿招牌花膠雞米線 $68湯底呈奶白色 不過望落都好清 睇表面冇乜油👍🏿飲落清甜 有淡淡嘅雞味而唔油膩😚米線軟硬度適中 開頭食帶少少煙韌即使浸耐咗都冇話變到淋晒~不過唔知系咪史努比唔好彩 呢碗嘅雞件佢比親都系雞胸/雞翼雖然冇加錢轉髀但都唔使全胸掛🫣份量就好足嘅 計埋翼都有6件雞左右不過雞胸唔系好夠滑(史努比食開雞胸 知點先叫滑🤭👌🏿)部分偏鞋口 某部分就滑啲但都未稱得上系好嫩嘅雞胸🤔另外有唔少花膠 木耳同蟲草花木耳好爽脆 索咗啲雞湯幾好食!花膠就略嫌偏硬身 同埋口感唔似花膠 不過唔肯定佢系咪鱈魚膠所以唔敢亂講🙌🏿淨系知如果炆淋啲再軟滑啲會更加好但呢個價錢有花膠都唔會expect太多~因為雞件所以令到佢低分咗 但亦都因為湯同米線令佢tone返高啲🤣味道: 8/10性價比: 8/10👍🏿藥膳黃酒花膠雞米線 $68呢碗

又去觀塘搵嘢食🌞今次去呢間都幾多好評嘅米線店，勝在喺駱駝漆第三座嘅一樓，唔使等𨋢等到傻，行樓梯上一層就搞掂✌️🤣冇諗過18:30去到已經滿座，遲多幾分鐘入已經要排隊🙊 店舖雖然細，但係都坐得舒服嘅，店員都好醒目，見男朋友孭住書包，都即刻俾個籃我哋擺袋👍🏻同埋上菜都好迅速，出咗去個廁所（雖然廁所要行遠啲，喺3樓），已經嚟齊晒啲食物😆藥膳黃酒花膠雞米線 $68充滿中藥養生嘅醇厚甘甜味道，足料👍🏻雞肉好滑易咬，不會乾澀，米線偏軟但都Q彈，花膠兩大片，都係柔滑的，整體嘅份量都幾多😙 雞肉正常係會有骨嘅，所以店舖都好貼心準備咗啲細碟，比客人裝雞骨🤩沙羌雞飯 + 凍檸茶 $48 + $4份量足夠，呢個價錢有咁多雞，覺得好OK。沙羌醬汁濃郁，好啱送飯😆蜜糖雞翼 $42味道好OK，雞翼炸得好脆，加埋甜甜嘅蜜糖(唔會超級甜），好惹味😙日本芝士年糕 $38冇諗過芝士年糕會配煉奶，個賣相已經好吸引，食落去的確會又鹹又甜咁，但係我自己OK😍首先，咬到個層炸左既外皮時配埋個煉奶係幾match，慢慢地會感受到裏面爆漿芝士嘅感覺，再覆蓋返啱啱嗰種煉奶甜，形成又鹹又甜嘅感覺，接受到有鹹又甜嘅人可以一試😙我覺得呢間嘢CP

招牌雞米線🍜湯底令人驚艷，鮮甜的風味讓人一試成主顧。湯底清澈而富有層次，花膠的加入不僅增添了滋味，還為湯底帶來了獨特的香氣。滑順的米線吸收了湯底的精華，每一口都能感受到雞肉的鮮嫩與花膠的彈性，讓人感到無比滿足。這道米線不僅是味覺上的享受，更是一種滋補的體驗🥰胡椒豬肚湯雞米線🐷湯底濃郁而香氣四溢，胡椒的辣味與豬肚的柔軟形成了完美的搭配。湯底的胡椒香氣撲鼻而來，每一口都帶有一絲溫暖的刺激感。豬肚的口感彈牙，米線的滑順讓整道菜充滿了層次感，讓人忍不住想要再來一碗。這道米線展現了廚師對傳統口味的創新詮釋，十分值得一試。土匪雞翼🪽雞翼外層酥脆，裡面肉質鮮嫩，調味以胡椒和孜然為主，讓每一口都充滿了濃厚的香氣和層次感。這道小食無論是搭配米線還是單獨享用，都能讓人感受到一種香脆的滿足感，是聚會中的絕佳選擇。雞米線專門店湯底選擇多樣，各種口味的雞米線搭配特色小食，讓食客可以根據自己的喜好自由搭配，體驗到不同美味🤤

之前朋友介紹觀塘有間米線店好高質🤩🤩小店主打養生雞湯米線，湯底以豬筒骨、西施骨、三黃雞等熬煮而成，標榜不含味精！而家天氣涼涼地食就最啱😆😆🍜姬松茸竹笙花膠雞米線 $78✨份量十足！湯頭濃郁鮮甜，裡面有姬松茸、竹笙、花膠、蟲草花等配料～～雞肉肉質嫩滑、啖啖肉，花膠厚身、口感軟腍入味！食完米線再飲返碗湯，成個人暖笠笠🔥🔥💛金磚豆腐 $42✨呢個係佢地的人氣小食，必點！豆腐外層炸到金黃色，咬落外脆內軟、好惹味😋😋🍹凍檸檬茶 (+$8)✨茶底清香，口感清爽解渴～而且甜度啱啱好，唔錯👍🏻👍🏻

觀塘向來都係美食據點，鄰近地鐵站，又有巴士站，交通方便。今日同朋友去觀塘「雞駅花膠雞米線專門店」。呢間米線經常出現人龍等位，非常旺場。藥膳黃酒花膠雞米線$68上枱已聞到一陣陣酒香味，再加上當歸、杞子、川芎、白芷、紅棗、木耳等食材，味道豐富。花膠和雞肉都好嫩滑，感覺好滋補。椰子雞米線$60湯底係奶白色，湯頭濃郁鮮甜，有淡淡嘅椰子香味，雞件足料，配料有蟲草花和木耳。米線軟硬度剛好，爽口亦都好掛湯。金磚豆腐$42熱辣辣，外面香口鬆脆裏面軟滑，加咗七味粉和黑芝麻，更加惹味。凍檸檬梳打(跟餐+12）酸酸甜甜，清爽解膩。凍檸檬薏米水(跟餐+18)冰涼好飲，味道清新。餐牌選擇都多，有米線、米粉、上海麵、飯和小食。雞駅花膠雞米線專門店觀塘開源道60號駱駝漆大廈第三座1樓1室

今次終於同朋友一齊食到呢間人氣超高嘅雞駅花膠雞米線專門店喇！因為每次係駱駝漆經過，都見到好多人排隊！今次我哋有幸地排咗一陣間，就入到去啦！佢哋湯底每日新鮮熬製，而且價格親民！仲有多款湯底選擇，招牌花膠雞、胡椒豬肚湯、蕃茄湯、藥膳湯等。我哋今次點咗姬松茸竹笙花膠雞米線、招牌花膠雞上海麵、凍檸檬薏米水、熱柚子蜜，養生之選！！！ 姬松茸竹笙花膠雞米線米線麵質有咬口，姬松茸、竹笙同花膠，至上食材。竹笙大大件，夠爽口；雞肉夠嫩滑；姬松茸菇味香濃，令到湯底更香。花膠膠質豐富，色澤金黃通透！招牌花膠雞上海麵加錢＋$5轉咗上海麵，最驚喜係麵條仲係每日新鮮製作，吃入口非常有口感！雞湯奶白色，清香不油膩，啖啖雞肉非常好嫩滑，好夠味！飲品凍檸檬薏米水、熱柚子蜜，兩杯飲品都好足料，凍檸檬薏米水味道微酸解渴，而熱柚子蜜裡面落咗好多柚子蜜，香甜又潤喉。

係觀塘做野時，常常周圍搵下有咩好野食，喺試新嘢嘅同時，我都會念念不忘呢間花膠雞米線，得閒都會同同事過嚟排隊食😍 喺咁多美食選擇嘅觀塘，令人encore又encore 真係唔簡單㗎因為佢嘅雞米線嘅雞真係好嫩滑，佢唔係淨係一嚿雞肉，佢嘅雞係帶啲雞皮，雞皮又唔係好肥，雞肉係勁嫩滑，唔係得個多字，係真係好好食同事叫左胡椒雞米線，試咗佢個湯底，真係好好味，秋天食好適合，食完好暖身😇 我就一直都係食開黃酒雞米線，覺得佢個黃酒真係好香，令人好開胃，加埋嫩嫩的雞，呢個就係我不停會肯花時間排隊食嘅理由😍 上次叫咗金磚豆腐做小食，覺得好好食，外脆內軟，今次又再叫😂 好啦，我下次你會再試吓其他小食😂😂推介大家真係過嚟試吓，湯底靚雞靚👍🏼👍🏼

食咗碗花甲米粉，超鹹、勁好味精，食完條脷滾嘅🥲啲花甲全部都有沙！！唔會再食同行朋友食嘅胡椒豬肚湯雞米線，相對冇咁鹹，不過都係一般，雞嘅雪藏味都幾重，都係味精湯底，唔會推介！

有日同friend係觀塘行行下 突然好想食米線 即刻上open rice search熱門米線 然後就見到呢間米線 我地就二話不說過到鋪頭一到店鋪 就見到門口隊伍頗長 大家都三五結伴過來食飯 當時時間已經八點鐘 但是舖頭收9點其實見到店舖咁多人排隊 都有d擔心食唔到 好彩最尾都入到去我同friend都不約而同叫左招牌花膠雞米線 同一個小食 椒鹽豆腐首先招牌花膠雞米線一上來 已經聞到濃味的花膠味 而且將花膠的鮮美與雞肉的嫩滑完美結合。米線的口感彈牙，吸附了濃郁的湯底，讓每一口都充滿了豐富的味道。湯頭清淡卻不失深度，融入了多種香料與雞骨熬煮而成，真是食到停唔到口椒鹽豆腐新鮮滾熱辣 一口落去 外層係香脆可口 而裡面則係好濃郁豆腐味 店內的環境也相當舒適，服務人員熱情周到，讓人倍感賓至如歸。整體而言，招牌花膠雞米線不僅是味蕾的享受，更是一種帶有情感的美食體驗，值得再次過來

食個午餐食到成肚氣花膠雞湯第一啖已經有味精味Lunch time 食飯多人排隊我理解但我地啱啱擺低對筷子茶都未飲一啖就埋黎趕人走我地表示依家會埋單離開仲係咁趕人走餐飯味道都只係一般咁既服務態度趕客唔該老闆反省下大家想食一肚氣就去啦😊

試試觀塘新開花膠雞湯米線 湯底真係超好飲⭐️姫松茸竹笙花膠雞米線$78成碗都幾足料 放滿竹笙 花膠 雞肉花膠都幾大塊 湯底濃郁好飲竹笙會吸晒湯底精華最重要係黃油雞 令湯底少少雞油 更加好飲.⭐️椰子花甲粉$58呢一款冇咁邪惡 蜆肉同粉絲都算低卡湯底比較清 但唔會覺得淡重椰子香 湯底奶白色蜆肉比得好足料 都幾大粒.⭐️口水雞飯$48口水雞都高質 係新派麻醬風格醬汁有花生香 肉質勁滑 仲要價錢唔貴.好適合鍾意飲湯嘅朋友你哋有冇試過呢？.#hkfunfoodrecord窮遊香港#hkfunfoodrecord_觀塘.#雞駅花膠雞米線專門店 (觀塘)地址：觀塘成業街7號東廣場1樓116號舖..#飲食 #美食 #hk #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #食評#香港旅遊 #香港好去處 #九龍灣美食 #九龍灣必食 #觀塘美食 #觀塘必食 #牛頭角美食 #牛頭角必食 #九龍灣 #觀塘 #牛頭角 #海南雞 #米線 #花膠

今去咗觀塘，去咗一間好出名嘅米線舖，平日星期一至星期五，呢一間米線舖已經好多人排隊，諗住星期六會冇咁多人，點知原來出名嘅舖頭，任何日子都咁多人，咁就淨係排隊都用咗成20分鐘。不過排隊排咗20分鐘都值得嘅，因為佢哋嘅米線真係好好食，今日叫咗一個花膠雞米線，湯底非常濃郁，而且配料上面仲有真正嘅花膠，加埋啲雞，足料程度十分之高，米線口感亦都非常之好，一啖湯淡米線，成個味道非常之配合。真係very good。

要數觀塘排隊店 📑當然少不了駱駝漆1樓「雞駅花膠雞米線專門店」以滑滑雞米線🍜 出名的大排長龍店.當日晚上入座 已經座無虛席賣單出口 外面更排滿10至20人但不用擔心 翻台率極高 ！ 用QR code更快捷方便. ⋆_ᴛᴏᴛᴀʟ ᴏʀᴅᴇʀ__ ⋆ 🍜招牌雞米線每枱都必點的招牌雞米線 碗內有花膠 木耳 雞🐓 配上濃濃湯底 雞肉口感很滑溜 .🍜 期間限定 花甲粉(加雞) 新出幾款花甲粉 湯底有辣 有椰香 同魚湯食料當然是有花甲 亦有木耳 金針菇 娃娃菜最重點 可以加錢配搭 雞件變化很多的組合.🐥悍匪雞翼四隻剛剛炸好胡椒孜然配搭 好惹味肉汁超多！

雞駅花膠雞米線專門店 • 觀塘今日食嘅呢間主打雞湯米線嘅餐廳，門口大排長龍，應該係非常出名，入面坐滿晒人。呢間應該係我食過雞湯米線之中的三甲之一，我欣賞佢哋嘅湯底，飲得出係用心熬製，其他食物發揮亦唔錯。✅ 招牌花膠雞米線 🐔我好欣賞佢嘅湯底，因為佢嘅味道係濃厚而不濁，花膠厚身有嚼口，亦為湯底帶點膠質質感，雞件好滑，而且好有誠意，非常推薦俾大家😙✅ 椰子雞米線 🐔雞件同啱啱嘅米線一樣都非常嫩滑，湯底濃郁，有非常濃厚嘅雞味夾雜淡淡清香椰子味，飲落濃厚而不鹹。湯底入邊亦有蟲草花、雲耳，夠養生👍🏼✅ 金磚豆腐 🥠細細粒嘅豆腐，炸至金黃，入面好嫩滑嘅滑豆腐外面口感脆身，並且裹上椒鹽，鹹香十足，非常惹味😗