孖寶去骨海南雞 (又新街)

Open Now

Now Closed

嘩！嚇親我同我老公！真係未食過咁難食嘅海南雞！海南雞冇雞味不特止，仲要有怪味。諗住用啲醬嚟充撐吓場面，點知啲醬都好難食，可能因為係外賣所以用啲普通外賣醬啦。海南雞理應層皮係好香好滑好入味，但係竟然佢層皮完全冇味，然後啲雞肉淋過毛巾，唔止煮嗰個有問題，個雞嘅選材都好差。其實海南雞好少可以整得咁難食，平時平過佢又好味過佢嘅店真係大把，但依間真係唔止難食咁簡單，仲要係一間海南雞專門店🤯，反而佢嗰時菜仲好味過佢個雞，真係好諷刺！