Video
Read full review
2021-05-27
428 views
放工約咗朋友，晌門口見到呢間環境好似唔錯，happy hour仲有買一送一，就入咗去。晚餐方面，我哋揀咗2人精選套餐$289，有頭盤、2個主菜和飲品。意式凍肉拼盤 +$50呢個升咗級嘅頭盤好豐富，有香噴噴熱辣辣嘅香草蒜蓉牛油包、吞拿魚釀小紅椒、新鮮馬蘇里拉芝士伴以黑醋、煙三文魚、巴馬臣火腿、火腿腸片，幾清新開胃。卡拉布雷斯薄餅 +$35呢個係招牌薄餅，長方形嘅薄餅底係比較薄身但有咬口嘅麵包底，餡料有拿坡里辣肉腸、甜椒、辣椒、火箭菜、馬蘇里拉芝士、巴馬臣芝士，配搭住意式辣肉醬同埋羅勒香草醬，味道微辣，好惹味香濃。蟹肉白酒汁意粉 +$25一上枱有點小失望，佢嘅賣相實在太平庸🙈但係一食落口就好有驚喜，醬汁用咗銀魚柳醬、白酒、檸檬油、蒜蓉油、番茜、辣椒碎，每條彈牙意粉都掛上醬汁，配上鮮味嘅一絲絲蟹肉，味道清爽得嚟好滋味。意大利咖啡雪糕$48最後當然要食埋甜品，凍冰冰嘅雲呢拿雪糕，倒入熱辣辣的香濃咖啡，一冷一熱混埋一齊，味道剛好中和咗咖啡嘅苦澀，雪糕感覺亦唔會甜膩。
意式凍肉拼盤 +$50
呢個升咗級嘅頭盤好豐富，有香噴噴熱辣辣嘅香草蒜蓉牛油包、吞拿魚釀小紅椒、新鮮馬蘇里拉芝士伴以黑醋、煙三文魚、巴馬臣火腿、火腿腸片，幾清新開胃。
卡拉布雷斯薄餅 +$35
呢個係招牌薄餅，長方形嘅薄餅底係比較薄身但有咬口嘅麵包底，餡料有拿坡里辣肉腸、甜椒、辣椒、火箭菜、馬蘇里拉芝士、巴馬臣芝士，配搭住意式辣肉醬同埋羅勒香草醬，味道微辣，好惹味香濃。
蟹肉白酒汁意粉 +$25
一上枱有點小失望，佢嘅賣相實在太平庸🙈但係一食落口就好有驚喜，醬汁用咗銀魚柳醬、白酒、檸檬油、蒜蓉油、番茜、辣椒碎，每條彈牙意粉都掛上醬汁，配上鮮味嘅一絲絲蟹肉，味道清爽得嚟好滋味。
意大利咖啡雪糕$48
最後當然要食埋甜品，凍冰冰嘅雲呢拿雪糕，倒入熱辣辣的香濃咖啡，一冷一熱混埋一齊，味道剛好中和咗咖啡嘅苦澀，雪糕感覺亦唔會甜膩。
Post
