蕃茄仔

Open Now

Now Closed

Eastmark 1樓越來越多好嘢食啦。先有兩間冇味精嘅靚湯、蒸飯，有熱狗又有台茶，現在又多咗一間番茄仔 Red Object. 路過已經聞到濃濃番茄味，既然番茄咁健康不妨試一試。先後兩次拜訪都有唔同嘅口感。第一次叫咗個豬扒配烏冬麵加嫩雞胸片。一咬嚿豬扒，已經俾佢嘅嫩滑肉質吸引住，仲要厚切及juicy，除咗濃茄湯好味，豬扒真係要俾隻手指 👍🏼👍🏼佢，因為呢個原因令我好快又再去咗第二次。第二次，貪心了叫咗豚三寶，有豬扒，豬手及豚肉片配上海麵⋯⋯老人家果然冇錯，貪心唔係一件好事，豬扒除了細件咗，亦冇上次咁好味。 咁啱我嗰塊仲係筋位，肉質仍然 juicy 但多咗份咬口 😂😂 豚片薄切，可惜冇咩味道，而豬手更加失望，唔知道用什麼煮法，味道唔似滷水又唔係紅燒，豬皮唔厚亦不是啖啖肉。朋友叫的雞扒就意外的好味，賣相有少燒燶，但入口有煎香嘅雞皮香味 👌🏼追加了自家餃子，菜肉餡料頗滿，味道合理，冇失望亦冇驚喜。嫩雞片就有點乾，一定要沾滿茄湯同食才可以。今次之後，應該唔會再掛住嗰豬扒啦⋯⋯但呢度都算係一間可以再回頭嘅食肆。