聚小館 (Closed)

喺偉大嘅特區領導班子帶領我哋抗疫之下，其他區我吾知，大角嘴就大約一半店鋪冇開門，不過要返工既始終要返，午餐始終要食，今日就去到大全街既人氣店《聚小館》試吓佢。之前新開，又上報紙又上雜誌，午市坐無虛席；今日受疫情影響，僅兩三枱入坐，不過堂食外，也有不少客戶外賣。點了《招牌魔鬼炒飯》，聽見師傅大火炒熱上；全黑色，豆豉未入豆先有香味，一入口好重罐頭豆豉鯪魚味！哈哈！細心了解一下，呢個魔鬼當然有豆豉，有鹹魚，亦有細紅辣椒切粒，肉碎加強辣味同口感。師傅手勢好，飯粒炒得均勻入味；平時單店呢碟野係咸既，有杯頗酸既烏梅茶平衡番又好左啲啲。呢碟炒，係口淡淡既時候，重口味之選。總結：特別既，不過下次反而想試吓《西施泡飯》又或者《福建炒飯》先可以同其他店公平比較。