YA鴨 (Closed)

行過尖沙咀發現咗呢一間環境好可愛專食鴨嘅舖頭，行到有啲肚餓就決定唔搵其他餐廳直接入去食！❤️麻辣大腸拼金錢肚撈粗❤️麻辣大腸洗得好乾淨，大腸勁入味！食到陣陣麻辣香味！金錢肚煮到好冧好入味，呢個配搭好邪惡！❤️招牌鴨肉飯❤️話晒都係招牌，當然要試吓呢個鴨肉飯，識落鴨肉配上佢哋秘製嘅醬汁超級好味，醬汁嘅味道好濃郁，完全帶出咗鴨肉嘅味道！唔怪得知係招牌啦！❤️紅絲絨、鮮檸氣泡美式❤️兩杯飲品嘅賣相都好靚，跟餐叫嘢飲正價仲有折添呀✨第一次嚟到呢一間食鴨嘅餐廳，整體食物質素覺得都唔錯，見到佢哋Menu上面都有好多個款式俾人選擇，今次所食嘅鴨肉飯同埋麻辣大腸拼金錢肚撈粗味道都相當滿意👍🏻