幸福堂 (明發大廈) (Closed)

嘩！正呀喂！估唔到幸運堂係屋企附近開左分店，果陣要直入元朗先見到，仲要排隊排到好似唔使錢咁，宜家開正係附近，唔試下對唔住自己。之前台灣果邊同香港代理好似炒左鑊，間野執左，改埋名。之後台灣總公司親自黎開，呢間應該係正宗既。朝早11點去，唔使排隊直接叫。黎得一定係試佢果隻黑糖珍珠真鮮奶，但我當時手快快點左火焰果隻，不過應該差唔多味道。叫完仲有免費玩抽籤，都係Fancy野。即叫即整，大大盒明治鮮奶放係度。樣子不錯。幾鍾意佢唔係想像中咁甜，珍珠幾好咬口，記得攪勻先飲，幾好味。