Duck & Waffle (Closed)

話說小編幾年前去英國exchange（唔好嘗試計我年齡🙈🙈），臨返香港前一日專登孭住個11kilo既背囊去倫敦好出名既Duck＆Waffle，點知去到嘅時候先知冇得walk-in，一定要book位😭😭結果就成為一個小小既遺憾👉🏻👈🏻隔咗幾年之後Duck＆Waffle終於開到嚟香港，今次終於有機會試下佢既signature喇！呢度嘅座位都比較闊落，侍應會時不時幫你換餐具同碟，又會好詳細咁介紹推介嘅菜式。呢度既廚房採用開放式設計，整個廚房都一覽無遺，可以食住飯睇住廚師烹調😍😍。Foie Gras Creme Brulee外表完完全全present到好似焦糖布丁咁既甜品😋😋，面頭一層焦糖脆卜卜，入面既布丁用鵝肝醬整成，質地好軟滑，鵝肝味道好甘香，配埋甜甜地既餐包一齊食，冇咗平時食煎鵝肝果種油膩感，都幾推薦👌🏻👌🏻Grilled 18HR Pork Belly黑媽媽既外表唔知點解有啲喜感😂😂上枱時已聞到好香既孜然粉味，有啲fusion既感覺。經慢煮既豬腩肉面頭灑上唔少芝麻增添香味，啲肉好容易切開一絲絲，肉質大部份都幾腍，不過都有少部分稍柴，醬汁甜甜地帶少許孜然香，配上沙律醬同青瓜可以減少膩感。