聯邦皇宮 (Closed)

今朝一早排起身入咗東涌，諗住行一轉。可能太早嘅關係都無乜食肆開門，行咗一個圈攰攰哋，好啦！咁入咗嚟東薈城嘅聯邦酒樓飲啖中式茶。 唯一可以讚嘅就係環境坐得幾舒服，唔會話好迫，尚算開揚。但係講到點心呢........... 價錢方面，佢唔係叫做好平，中等價錢啦。都係一般酒樓可以叫到嘅點心，無乜太突出。 最慘嘅係啲點心凍架。凍都唔夠經典，當中 “紅油抄手” 我真係想特別想 point out， 個皮又厚身，食落好粉咁，咪熟囉。 食哂咁多點心，都唔明呢間酒樓點解可以繼續經營。飲中式茶，“水滾茶靚” 係常識吧！！但係呢度完全apply唔到囉。 放喺枱面嘅熱水壺，裏面嘅水係溫水，想要熱水囉唔該。