麻吉

Open Now

Now Closed

佢岩岩開業時已經幫襯過米線，間中食一兩次，最近減肥少食咗，今日經過見佢推咗個酸菜魚飯餐，就買一個酸菜魚飯+口水雞外賣拎走。返去打開見到個盒咁細已經有啲O咀，然後食埋仲加O咀，首先魚片有六塊，然後配菜係一啖芽菜，然後係幾條蔥加一塊細細腐皮，同埋勁少佢所謂自家制嘅酸菜，少到係我食兩啖已經無哂，如果你係男士我估你要自己煎多兩隻旦黎餸白飯，$58唔包飲品，呢個份量同質素真係令人失望，但老實講味道唔差，同巴X仔個味道差不多但份量真心差太遠。口水雞就無特別，肉質實淨，無雪味，調味正正常常。今餐午餐58+38+外賣餐具費=$99，抵唔抵食真係見人見智，我而家煎埋兩隻旦黎餸埋碗白飯先。