Video
Read full review
2018-10-27
178 views
今晚揾食揾到嚟紅磡，因為朋友之前介紹過，話有間新餐廳幾抵食。advice taken！就喺星期五晚放工之後去試吓！坐地鐵去到何文田站，B1 出口沿行人天橋落去就見到餐廳，好方便！入到去被安排坐近水吧位置， 除咗一般餐飲外，餐廳有有紅白酒，生啤供應。我哋叫咗個熊本西冷扒、半熟刺身帶子黑松露意大利飯，同埋鮮果拿破崙。其實所有主菜加$60都可以轉套餐，有沙律/餐湯，前菜，甜品同餐飲，但我哋怕食唔晒，所以就無order 套餐。5成熟嘅西冷扒先上枱，配上什菜，薯粒同黑椒汁。西冷扒牛肉味濃。相比肉眼或者牛柳，西冷一般都比較乾同韌，估唔到呢個煎得幾嫩滑。雖然旁邊有黑椒汁，但我覺得本身牛扒已經好夠味。旁邊嘅燒薯仔都幾惹味，應該經過少少調味，有d香草味，幾好食。意大利飯上面有兩大粒面頭燒到焦黃嘅帶子，大大粒又夠厚肉，見到都流口水！意大利飯當中混合咗什箘，配埋忌廉嘅香味，本身都無得輸，加埋兩粒嫩滑鮮味嘅大帶子，好正！最後個甜品亦都好食到想喊！！拿破崙蛋糕嘅酥皮勁脆！吉士醬又唔太甜！脆脆酥皮加軟滑吉士，三層一齊擺入口，口感味蕾大爆炸！勁Like !
坐地鐵去到何文田站，B1 出口沿行人天橋落去就見到餐廳，好方便！
入到去被安排坐近水吧位置， 除咗一般餐飲外，餐廳有有紅白酒，生啤供應。
我哋叫咗個熊本西冷扒、半熟刺身帶子黑松露意大利飯，同埋鮮果拿破崙。其實所有主菜加$60都可以轉套餐，有沙律/餐湯，前菜，甜品同餐飲，但我哋怕食唔晒，所以就無order 套餐。
5成熟嘅西冷扒先上枱，配上什菜，薯粒同黑椒汁。西冷扒牛肉味濃。相比肉眼或者牛柳，西冷一般都比較乾同韌，估唔到呢個煎得幾嫩滑。雖然旁邊有黑椒汁，但我覺得本身牛扒已經好夠味。旁邊嘅燒薯仔都幾惹味，應該經過少少調味，有d香草味，幾好食。
意大利飯上面有兩大粒面頭燒到焦黃嘅帶子，大大粒又夠厚肉，見到都流口水！意大利飯當中混合咗什箘，配埋忌廉嘅香味，本身都無得輸，加埋兩粒嫩滑鮮味嘅大帶子，好正！
最後個甜品亦都好食到想喊！！拿破崙蛋糕嘅酥皮勁脆！吉士醬又唔太甜！脆脆酥皮加軟滑吉士，三層一齊擺入口，口感味蕾大爆炸！勁Like !
Post
