Video
Read full review
2023-07-16
623 views
拉麵試伏⁉️早前樂富新開左呢間拉麵店，特色係上面啲芽菜堆積如山，可以增到四倍，淨食芽菜都飽🤣麵量可選小盛 (150g) 中盛 (200g) 大盛 (300g) 特盛 (450g)，小盛已經夠食除咗湯麵，拌麵同沾麵各有一款仲有自助關東煮🍢飯團🍙事前有做功課，睇吓拉麵群組食評，推測多劣評嘅原因係水準參差，湯底唔得▶️ 蕃茄芫荽冷拌麵 ($73)夏季限定☀️呢個賣相唔知係吸引定驚人，超多芫荽🌿另外仲有蕃茄粒、洋蔥粒、蒜蓉、炸蒜片芫荽的確好重味，唔係芫荽控但覺得可以接受，唔臭蕃茄食落口感較生，尚算juicy蒜蓉帶苦味，洋蔥粒就辛口刺鼻🧅炸蒜片相對少所以唔突出全部最濃味嘅嘢集結於一碗麵🤯絕對係味蕾大衝擊‼️底部係店舖自己調配嘅蕃茄醬汁，食落清新🍅稀杰度剛好可以黏住麵條呢款叉燒同湯麵叉燒唔同，似手撕豬肉，肉質好腍而冇乜肥膏👍🏻可惜調味太重，非常之鹹，腎虧的感覺🫣拉麵使用自家製太麵，即係粗麵，因為加入咗全粒粉所以啡啡哋色個人覺得係非常出色嘅拉麵麵質🫶🏻夠煙韌有咬口，偏硬但好啱我口味加上呢個係冷麵，夏天食就最啱整體呢碗冷拌麵有驚喜，唔伏！重口味人士更加要試～(食完成口臭曬，又茜又蒜，不建議初次約會食🤣)插曲：
早前樂富新開左呢間拉麵店，特色係上面啲芽菜堆積如山，可以增到四倍，淨食芽菜都飽🤣
麵量可選小盛 (150g) 中盛 (200g) 大盛 (300g) 特盛 (450g)，小盛已經夠食
除咗湯麵，拌麵同沾麵各有一款
仲有自助關東煮🍢飯團🍙
事前有做功課，睇吓拉麵群組食評，推測多劣評嘅原因係水準參差，湯底唔得
▶️ 蕃茄芫荽冷拌麵 ($73)
夏季限定☀️
呢個賣相唔知係吸引定驚人，超多芫荽🌿
另外仲有蕃茄粒、洋蔥粒、蒜蓉、炸蒜片
芫荽的確好重味，唔係芫荽控但覺得可以接受，唔臭
蕃茄食落口感較生，尚算juicy
蒜蓉帶苦味，洋蔥粒就辛口刺鼻🧅
炸蒜片相對少所以唔突出
全部最濃味嘅嘢集結於一碗麵🤯絕對係味蕾大衝擊‼️
底部係店舖自己調配嘅蕃茄醬汁，食落清新🍅稀杰度剛好可以黏住麵條
呢款叉燒同湯麵叉燒唔同，似手撕豬肉，肉質好腍而冇乜肥膏👍🏻可惜調味太重，非常之鹹，腎虧的感覺🫣
拉麵使用自家製太麵，即係粗麵，因為加入咗全粒粉所以啡啡哋色
個人覺得係非常出色嘅拉麵麵質🫶🏻夠煙韌有咬口，偏硬但好啱我口味
加上呢個係冷麵，夏天食就最啱
蕃茄芫荽冷拌麵
$73
220 views
0 likes
0 comments
整體呢碗冷拌麵有驚喜，唔伏！
重口味人士更加要試～
(食完成口臭曬，又茜又蒜，不建議初次約會食🤣)
插曲：本身冷拌麵唔包芽菜，我想試芽菜所以另叫，點知店員俾咗一大碗我🙈芽菜好新鮮爽口，去晒根，處理得唔錯，味道清淡，可以中和特濃味嘅冷拌麵
芽菜
39 views
0 likes
0 comments
▶️ 半熟玉子拉麵 ($63)
湯底係8小時熬製嘅豬骨湯
醬油濃淡、油濃郁度、蒜蓉份量都可以自選
面頭有兩片帝王自慢自家製半肥瘦叉燒同一粒半熟蛋🐷
半熟蛋未做到好晶瑩剔透，正常發揮
朋友話碗麵中規中矩，味道偏濃但鍾意佢個麵質夠彈牙粗身🍜
-
小妹第一次食二郎系拉麵，體驗唔錯
雖然唔係食湯麵，未必品嚐到二郎系拉麵獨有嘅濃厚背脂豬骨湯，但超級鍾意呢間嘅拉麵麵質😍
好耐冇食過啲咁好味嘅拉麵麵質
服務ok，雖然侍應會黑口黑面，但因為真係好忙，作為香港人會理解
環境還可以，枱與枱之間有啲近，但感覺唔算好擠迫
性價比甚高，最平$59就食到一碗拉麵啦！(餐廳有低消，每人$59，免服務費)
見啲人叫特盛，巨型到好似大胃王挑戰咁😂好多人都食唔晒要打包
唯一要排隊等位，勝在拉麵店輪轉快，等大概20分鐘左右就可以落單入座
上菜等大概10分鐘左右，可以接受，賣相擺盤唔求其，幾打卡able
呢次伏食失敗，反而搵到間好嘢👍🏻推介俾大家試試！
Post
