呢間位於沙田隆亨既富記大牌檔，當年以食物名稱趣怪聞名，近年已翻新成為有冷氣的冬菇亭
裝修後室內全以木檯木凳為主調，座位寬敞舒服，岩哂我地呢尐歐陸身型人士。
現在有 Stella生啤供應，$38 大大杯，十分抵飲﹔餐牌已不見有當年的趣怪食物名
先點個白灼花螺，鮮甜味美好送酒
這兒最出名的原隻手撕雞 $168，大大隻上檯相當震撼
自己手撕再慢慢食玩味十足，熱辣辣，烤得皮脆肉嫩，撕開肉汁滿溢，雞肉可蘸佢提供的南乳醬會更加冶味
與食家兩個拉拉扯扯撕哂成隻雞亦都即時俾佢 KO番，飽到上心口，四人分享應該更加小吃多滋味﹗
要一提這兒的小炒王，既有豆角、蝦乾、銀魚、魷魚亦有腰果，少少辣炒得乾身夠鑊氣，送啤酒絕佳，來吹水飲吓野送酒必點﹗
最後三杯生啤再加多枝大藍妹連三個餸四百幾埋單，唔算貴亦吃得開心，一定會再來試試其他美食。
FB: smallsmallsmalllin
#smallsmallsmalllin
