湘蜀人家

Open Now

Now Closed

星期五，又係約朋友食吓飯吹吓水嘅好日子。 今日我哋揀咗喺大友商場入面嘅湘蜀人家，見天氣有少少涼，所以揾d辣嘢食。四川涼粉🔥🔥🔥🔥🔥涼粉爽滑，味道香辣毛血旺🔥🔥🔥🔥🔥望落比較嚇人，上枱時只見到紅辣椒浮滿整個鍋，但食落又不是太辣，只是不小心咬到花椒時，嗰種麻辣嘅感覺，會留喺你口中，久久不散。材料亦非常豐富，有豬紅，火腿，魷魚，牛脷，牛肚，薯粉等等，係一個辣得過癮嘅菜式，如果香港有接近零度嘅氣溫，用佢嚟打邊爐，簡直一流。賽螃蟹🖒🖒🖒🖒一個考工夫嘅菜式，蛋白炒得恰到好處， 配有少許蟹肉，加埋浙醋一起吃，口感同味道都唔錯。雜糧窩窩頭🖒🖒🖒🖒口感有點粗嚡，但配埋附有嘅鹹菜肉碎就非常惹味。