Video
Read full review
2022-08-13
1162 views
好耐好耐都冇食放題啦😫特別係日式和牛燒肉放題，呢排係社交平台不斷受到引誘，嘻嘻😜於是就捉咗個朋友陪我去食， 一齊去挑戰胃部極限❕餐廳樓底幾高，座位夠晒闊落舒服，空間感幾大!食緊嘅時候，發現抽油煙機都幾吸力😲所以唔使係充滿仙氣嘅環境下食燒肉😎加上啲職員服務好好，可以有傾有笑，而且又多嘢食，嘢食質素又唔錯，成為胃部極限嘅練習場地係有得諗😏∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴❥ 78 品美國&澳洲和牛料理任食set $398限時120分鐘，已包無酒精飲品，18歲以上人士想試下多款Sake/酒精飲品，可+$48嚟個酒之放題。餐廳採用手機掃code落單，🚨🚨要注意嘅係 : 落單數量1份 = 1件 🤭૪ 刺身、日式小食 一嚟就係海鮮頭盤，除咗常見嘅三文魚、油甘魚、帶子等等，仲有生蠔❕刺身肉質新鮮，味道鮮甜，但要留意返有啲係冇任食架🚨常見嘅日式小食 : 味付螺肉、中華沙律、枝豆呢度都可以任食😆૪ 燒肉、串燒燒肉種類有雞、牛、豬 &羊，當中嘅牛係和牛嚟架❕當中最推嘅係澳洲和牛胸腹，油花平均，牛味濃。另外，有款醬汁安格斯牛肩胛肉眼博燒都好推🙌🏻稍稍燒到
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴
❥ 78 品美國&澳洲和牛料理任食set $398
限時120分鐘，已包無酒精飲品，18歲以上人士想試下多款Sake/酒精飲品，可+$48嚟個酒之放題。餐廳採用手機掃code落單，🚨🚨要注意嘅係 : 落單數量1份 = 1件 🤭
૪ 刺身、日式小食
一嚟就係海鮮頭盤，除咗常見嘅三文魚、油甘魚、帶子等等，仲有生蠔❕刺身肉質新鮮，味道鮮甜，但要留意返有啲係冇任食架🚨
常見嘅日式小食 : 味付螺肉、中華沙律、枝豆呢度都可以任食😆
૪ 燒肉、串燒
燒肉種類有雞、牛、豬 &羊，當中嘅牛係和牛嚟架❕當中最推嘅係澳洲和牛胸腹，油花平均，牛味濃。另外，有款醬汁安格斯牛肩胛肉眼博燒都好推🙌🏻稍稍燒到啲肉變色，食落肉質好嫩滑，味道唔洗點醬汁已經好夠味啦😋
仲有❕牛舌好厚身，爽彈口感令到我哋叫多咗幾轉嚟燒🤭
除咗肉，仲有海鮮同蔬菜。海蝦夠大隻，肉質爽甜!菠蘿燒咗之後，甜度似蜜汁，好多汁🤤
串燒竟然有雞皮，將雞皮燒到徹底香脆，每啖都好似食緊薯片咁，仲可以用海鹽同黑胡椒稍加調味🧂
૪ 天婦羅、炸物
試咗大蝦、蕃薯、松葉蟹柳天婦羅，炸粉唔厚，內餡啱啱好熟，保持到食材原本嘅口感👍🏻
炸物方面，熱辣辣嘅芝士年糕好好食! 流心嘅芝士+軟糯年糕，唔油膩，味道食得出係芝士嘅咸味❕鍾意食榴槤嘅朋友，可以試下勁濃嘅榴槤炸彈，一試難忘。
炸物要襯熱食，但要小心會燙咀😗
૪ 雪糕
當燒到一半想食個Movenpick 雪糕，可以落單食返個; 之後又想食個cone，可以叫個Dreyer’s; 最後想嚟個香濃榴槤味雪糕，可以食Fruttato Gelato。因為呢度嘅雪糕係任食架🥳但都要量力而為呀💪🏽💪🏽
∴∵୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴୨୧ ∴∵∴ ୨୧ ∴∵∴
Post
