湘蜀人家

Open Now

Now Closed

當公司仲喺灣仔嘅時候，就會有一啲大陸同事因為特別思鄉，特別掛住家鄉嘅勁辣川菜，所以會上嚟呢一間相蜀人家。因為我唔多食到辣，所以次次都係用唔同嘅藉口推搪，但係因為有同事要離開香港，就參與一次，當係同佢餞行。其實餐牌上面都唔係只有辣嘅餸菜，為咗我，同事都叫咗一個黑醋排骨，一個唔辣嘅四季豆，味道比我想像中香濃，令我第一次欣賞到入到口嘅中國菜。當然同時亦都會叫佢哋一啲招牌菜，例如水煮牛肉，一上枱成碗紅色嘅嘢我嚇咗一跳，但食落都幾好味，不過我要不斷飲水囉。