The Stadium (Closed)

與舊朋友聚舊，我揀咗觀塘重新裝修的工廈The Wave 4樓 The Stadium食晚餐， 之前已經很想到這裏試下，終於今次有機會。 入到店內座位寬闊，還有一座足球機，飛鏢，四周有大電視適合一大班人一齊嚟睇波 ，飲酒，食飯輕鬆下。 今次我哋三個人點了Tomahawk Steak Combo（ 4 - 6人）$1288， 套餐入面有四碗湯，Caesar salad，斧頭牛排1.2kg，Ribs 1/2，雞翼四隻，粟米四條，蕃茄，椒類，薯角，沙律菜，還有四杯Mocktail。斧頭牛排餐一到場，當然就相機食先啦！我們點了五成熟，燒得好香，肉質鮮嫩又juicy， 我哋三個人好快就食曬斧頭牛排。Ribs 味道普通，至於烤雞翼做得幾出色，酸酸辣辣入口多汁。 食咗咁多肉一定要食返啲沙律菜， 還有甜粟米，燒蕃茄。 不過薯角比較硬，不太好味。 飲品方面除了四杯mocktail之外，我們另外叫咗一杯sparkling 和 house red。Mocktail的顏色很美，紫藍色的是蝶豆花製成的。整體來說餐廳水準唔錯， 也推介這個斧頭牛排套餐， 抵食又好味！