發哥粥底海鮮火鍋 (Closed)

呢日同老婆去觀塘行下啲工廈行完梗係喺附近搵食啦！老婆想食啲暖暖地又飽肚嘅野🤔 咁我就揀左食粥點知佢又話單調 咁岩見到有間粥底海鮮火鍋今次岩曬要求啦！一入到黎，員工服務態度超級好！好耐無試過去餐廳食野，咁好服務態度餐廳佔地面積都幾大，原來日間係冰室茶餐廳，夜晚就變身做海鮮火鍋咁就唔會浪費左鋪租人工啦👍🏻打邊爐就梗係要嗌樽竹蓆茅根馬蹄紅蘿蔔水啦！唔好講笑，好足料、好清甜！前菜嘅拍青瓜都超好食😋 我同老婆清曬當然唔少得有調味料俾你自己混醬啦我地點嘅套餐就包左呢個泰式青口泰式醬汁好開胃惹味仲有自家足料燉湯！呢點真心加分！仲要湯料好多，真材實料，有圖有真相黎到重點出場 你睇我地呢個海鮮套餐，豐富到呢！魚蝦蟹是基本野，仲有扇貝、龍蝦、蜆等等不得不提，當時隻蝦仲跳跳下架除左海鮮，套餐仲包左可以點其他火鍋配料開頭仲怕會唔飽🙊 我地錯曬啦當所有海鮮都放入呢個粥水入面滾呀滾你都想像到有幾鮮味啦！食到尾聲時，粥膽就會上檯加入粟米南瓜粒，仲有其他菜圃等配料又鮮味又飽肚嘅粥就誕生啦想啖粥杰啲就放多啲粥膽想稀啲就落少啲完全自己控制秋風起時又係時候去Encore 啦喂