Mr. Steak Buffet à la minute

Open Now

Now Closed

朋友知道我鍾意食生蠔🦪同燒牛肉🥩，阿仔又鍾意食自助餐，佢介紹我去Mr. Steak Buffet à la minute 試一試🤩我趁住小朋友放假，就同佢去輕鬆一下！餐廳供應無限量即開生蠔🦪肉質爽口肥美，配上少許檸檬汁及Cocktail Source，份外鮮甜。其實只係不停咁食生蠔，我已經好滿足😋不過見外面仲有咁多款式美食，我都只係好節制地食咗半打😄另外我見到有多款海鮮凍盤，堆到幾個山仔咁高！龍蝦、長腳蟹蟹腳、青口、大蝦及花螺等，都係海鮮控必食菜式。店員補充食物速度相當快！值得一讚👍🏻出去行一轉，永遠唔會空手（碟）而回😆餐廳提供嘅刺身種類比起一些大酒店仲要多，包括三文魚、立魚、醋鯖魚、虎蝦、赤貝、帶子同紅蝦。品質新鮮，師傅切出嚟嘅魚生片非常之厚，魚類刺身仲十分慷慨地每次俾四片！令我期待嘅特級美國燒牛肉，肉味濃郁，切出嚟嘅時候會滲出豐富嘅肉汁。旁邊配菜甚多，我拎返枱嘅時候，阿仔話成個plating 同大扒房差唔多😁有驚喜嘅係有專人負責即煮佐賀牛壽喜燒、用火槍燒到半生熟嘅牛肉壽司同埋熱辣辣嘅鐵板牛肉！味蕾同視覺效果都大滿足。沙律區同熱葷區都陣容強盛！有中有西有亞洲風味，總會揀到啱心水美食！