Video
Read full review
2015-01-12
1189 views
自從旺角果間風月堂無左之後，一直都無再幫襯過，今日同朋友去裕華買野時無意中見到佐敦新開左一間，見咁耐都無食過就去懷緬下先。2點幾入去，好彩仲趕得切叫午餐，朋友們都揀套餐，不過我唔太想食西餐，睇中左個一人定食，嘩！！一個盒咁要成$185，真係非一般的貴！想食但又覺得超貴，幾經掙扎之下，死就死喇豪佢一餐，最多下餐食車仔麵啫個盒有六樣野，分別有蟹籽青瓜沙律︰青瓜幾爽口，撈勻蟹籽同沙律醬，唔會濕地地，OK唔錯三文魚扒︰見佢細細舊無乜睇頭咁，初初幾啖覺得好好味，最重要係唔油！但食到一半已經開始飽，可能係因為三文魚比較滯照燒雞扒︰超乎我想像中好味，諗住都係雞扒一塊啫，但果個汁真係夾得好好，舊雞扒又夠嫩滑，成個盒最正就係呢舊雞扒！！金菇牛肉卷︰本身唔好金菇，因為痴牙，除此之外，味道係幾好，牛肉又唔會太老，好味！三文魚飯︰點解我叫佢做三文魚飯呢？皆因我以為係三文魚壽司，正常三文魚包住舊飯仲唔係壽司？！但當我食落口既時候，點解咁怪既....完全係煙三文魚既味道，舊飯係暖既，問左個侍應，原來係餐廳無魚生牌，唔賣得壽司，所以就用煙三文魚包住舊飯。唔可以話唔好食，但食落口果下真係有D失望囉。如果有其他野代替應
2點幾入去，好彩仲趕得切叫午餐，朋友們都揀套餐，不過我唔太想食西餐，睇中左個一人定食，嘩！！一個盒咁要成$185，真係非一般的貴！想食但又覺得超貴，幾經掙扎之下，死就死喇豪佢一餐，最多下餐食車仔麵啫
一人定食
$185
92 views
1 likes
0 comments
蟹籽青瓜沙律︰青瓜幾爽口，撈勻蟹籽同沙律醬，唔會濕地地，OK唔錯
三文魚扒︰見佢細細舊無乜睇頭咁，初初幾啖覺得好好味，最重要係唔油！但食到一半已經開始飽，可能係因為三文魚比較滯
照燒雞扒︰超乎我想像中好味，諗住都係雞扒一塊啫，但果個汁真係夾得好好，舊雞扒又夠嫩滑，成個盒最正就係呢舊雞扒！！
金菇牛肉卷︰本身唔好金菇，因為痴牙，除此之外，味道係幾好，牛肉又唔會太老，好味！
三文魚飯︰點解我叫佢做三文魚飯呢？皆因我以為係三文魚壽司，正常三文魚包住舊飯仲唔係壽司？！但當我食落口既時候，點解咁怪既....完全係煙三文魚既味道，舊飯係暖既，問左個侍應，原來係餐廳無魚生牌，唔賣得壽司，所以就用煙三文魚包住舊飯。唔可以話唔好食，但食落口果下真係有D失望囉。如果有其他野代替應該會更好，例如日式餃子或者其他小食/飯糰咁。
生果︰食完咁多樣野，真係飽到上心口，食番幾舊生果去滯兼幫助消化，
總括而言呢，呢個一人定食盒味道90分，但如果真係得一個人食既話就真係要計下自己個肚有幾闊先，我自認大食妹，要食曬都真係幾吃力，不過成$185咁貴，唔食曬又好浪費，所以唯有頂硬上啦！
朋友們食套餐，都話好好味，不過我真係無多餘既位去試，無試過就費事寫啦，唯有等下次有機會再食果陣先評論啦。
Post
