Video
Read full review
2022-05-20
534 views
疫情關係冇得去旅行，唯有同父母，亞哥原生一家四口喺北角酒店住一晚當去咗食完酒店個自助午餐，千言萬語，化成一個字，算，今晚出去食下D重口味嘅洗下腸胃。北角太熟，唔好下手，遊下車河去咗堅尼地城，見間鋪掛哂紅燈籠咁喜慶，又係川菜，就係佢啦。點咗三個餸，一個酸菜魚，一個炒回鍋肉，一個大盆花菜。酸菜魚一上，即刻嚇親，好大盆，個盆可以用來洗面添試下味道，呢D先叫酸菜魚，起碼湯底有酸菜D酸味，D魚肉彈牙得來又夠滑，如果唔係選咗小辣應該仲正用手機影咗張，唔知係咪俾咁大兜嘢嚇親，居然手震影得好矇，咁就唔post出來獻醜啦。回鍋肉同花菜都ok,不過個人覺得D肉同椰菜應該切得細件D再炒會更加惹味。有人講，呢D先係傳統特色，係，當年食唔飽先會追求大啖食肉，今時今日不會再講呢D，間唔中回憶下就好啦，叫你返去嗰個年代你都唔制啦。好啦，年紀大廢話多咗，總結下，色香味俱全，大件抵食，價錢適中，想食川菜一定要試
食完酒店個自助午餐，千言萬語，化成一個字，算，今晚出去食下D重口味嘅洗下腸胃。
北角太熟，唔好下手，遊下車河去咗堅尼地城，見間鋪掛哂紅燈籠咁喜慶，又係川菜，就係佢啦。
點咗三個餸，一個酸菜魚，一個炒回鍋肉，一個大盆花菜。酸菜魚一上，即刻嚇親，好大盆，個盆可以用來洗面添試下味道，呢D先叫酸菜魚，起碼湯底有酸菜D酸味，D魚肉彈牙得來又夠滑，如果唔係選咗小辣應該仲正用手機影咗張，唔知係咪俾咁大兜嘢嚇親，居然手震影得好矇，咁就唔post出來獻醜啦。
回鍋肉同花菜都ok,不過個人覺得D肉同椰菜應該切得細件D再炒會更加惹味。有人講，呢D先係傳統特色，係，當年食唔飽先會追求大啖食肉，今時今日不會再講呢D，間唔中回憶下就好啦，叫你返去嗰個年代你都唔制啦。
好啦，年紀大廢話多咗，總結下，色香味俱全，大件抵食，價錢適中，想食川菜一定要試
81 views
1 likes
0 comments
Post
