瀛素食 (Closed)

小弟同寶寶一齊去油麻地搵食，先覺得原來油麻地係搵食好地方，之前同寶寶講想食清清地，又行過見到素食店，啊，好似都幾出名，就入去品嚐品嚐。坐低睇餐牌，幾得意喎，係有素食壽司，又有小菜粉麵飯，唔講以為去咗大牌檔。寶寶話食咩都無所謂，咁就小弟發板。兩個人叫咗三樣嘢，先上菠蘿咕嚕肉，舊「咕嚕肉」一咬就知係菇嚟。老實講，係1d都唔似咕嚕肉。但係舊菇都煎到好香口，食菇都好味嘅。跟住係上乾炒牛河，素牛食落都唔錯嘅，河粉就好有牛河味，小弟我就好鍾意。跟住就上軟殼蟹壽司，呢碟我同寶寶都畀滿分，原因係軟殼蟹香口鬆脆，口感似真壽司。總結，呢間瀛素食尚算合我心意，好味。寶寶就話咕嚕肉麻麻，其他都ok，埋單又唔貴，三百蚊有找。鍾意素食嘅你，可以試吓。