祥興記上海生煎包 (譚臣道)

Open Now

Now Closed

放工搵食，同行朋友推介話呢間好食，我就一於試下。只係夜晚八點半，想叫鮮蝦同招牌上海生煎包雙拼，點知鮮蝦包已經賣晒，唯有要晒招牌貨。一叫即有，快過快餐店。雖然個賣相唔精緻，但勝在熱辣辣。知佢裏面有爆熱湯，食時都特別小心。煎包外皮又薄又脆，內裏真係好多湯汁，好有肉香味。不過團肉既質感就麻麻，實的的一大舊，都唔識點形容。而且朋友減肥唔食，淨睇的食，我一個人食晒四個，同一種味，感覺真係有D腬。唔好食又唔係，好食又唔係，無聊口痕想搵野咬下咪去囉。