壽司郎 (麗新商業中心)

Open Now

Now Closed

大家都應該知道這間壽司連鎖店成日都要排，閒閒地地要排一粒鐘以上，但又吸引好多人甘心去排喎，而我.....睇當日心情啦! 今日就真係好想好想食佢，所以食完Lunch無幾耐，明知自己食唔到幾多，但都要去排隊食，真係癲咗。結果.....唔駛排一粒鐘，但都排了50分鐘，但吃了半嗰鐘都無，三碟壽司加一甜品，大家話我係咪傻呀.... 又拎又點，先有劍魚腩壽司($17)，肉質潔白，挺肥美，又鮮味，正!再來一客鮟鱇魚肝軍艦 ($17)，切件粒狀，睇落和食落都無咁吸引，味道都唔算好鮮香，紫菜亦唔算好脆，有啲失望。香蔥赤蝦($12)雖然只有一件，但隻赤蝦的確好有份量，仲又爽彈又有黏性，好新鮮，配上炸過的香蔥絲，又好夾喎! 抹茶是我最愛，點都要食返件抺茶紅豆瑞士卷($22)，茶味都幾濃，而且忌廉好香滑，吃嗰時伴少少甜美的紅豆就夠了，如果嗰蛋糕口感鬆軟啲就更好。樣樣都有質素，又經濟實惠，難怪咁多人甘願排排排啦!