俺流塩らーめん (東港城)

Open Now

Now Closed

因為呢邊開多左好多唔同既餐廳，搞到我成日都想試晒唔同既餐廳，今次就去食下呢間成日都有好多人排隊既拉麵。我排緊隊既時候就已經有店員將menu同落單紙比我，一邊排一邊諗食咩就慳返d時間。menu有哂唔同款拉麵湯底既介紹，有熟成同塩等等，真係要睇d介紹先知有咩分別。而且落單紙亦有得揀麵既軟硬程度、有無蔥同筍，完全係一碗個人化既拉麵。最後我就揀左俺流塩湯拉麵(全走) ，好期待。湯底味道唔算好濃，不過食得出係同平時食拉麵既湯底唔同，麵既口感就好煙韌，而叉燒完全係亮點，好腍好香，可惜好快就比我食左無得繼續享受。