3rd Space (Moved) New Location

想食呢間既pancake好耐，終於搵到個假期一個人嚟嘆下，但正正因為假期，所以好多人，排左差不多半個鐘先有位。排到差不多到我既時候侍應會行過黎幫你落左單先，但入到去其實都仲要等多10分鐘到先有食物。其實menu唔係得好多野食，揀左佢地最出名既signature earl grey pancake。pancake既係一層厚既，earl grey 味唔算好濃，配左比較稀身同淡味既maple syrup，仲有一大pat忌廉，食落唔會好甜，配料主要係生果，有香蕉，士多啤梨，藍莓，仲有脆脆地既粒粒同提子乾，每一啖都有配料，唔會悶。總結，係幾好味既pancake，但要排隊又要等，同埋價錢都唔算平，個人認為食一次就夠。