Video
Read full review
2020-12-11
1174 views
今次介紹係一間要開門前就去排隊既素食Cafe，總店係福華街，生意太好開左分店係汝州街同係荃灣，主打素食漢堡、意大利飯，唔係素食者都值得一試因為味道唔會令人失望。-1️⃣ 日式咖喱吉列豬扒意大利飯 💰108（👅: 9/10）係食過最好食既意大利飯，而且份量算多，食量唔算大可以試下叫小飯。豬扒係用 OmniPork 新豬肉去整食，豬扒好食，唔覺食緊素，炸衣唔厚，口感無真豬肉咁結實，所以食落完全唔覺得油膩，因為食唔到肥肉油脂咖哩汁滲入意大利飯每一寸，Risotto口感偏稔但有咬口，咖哩汁味道好夠，小小甜甜地辣辣地，而且飯夾雜左車厘茄、蘑菇、蘆筍，飯上面仲有兩塊蘋果，係誠意滿分既意大利飯，成間鋪最好食既菜色。-2️⃣ 不可能漢堡包💰128（👅: 7/10）素牛肉漢堡，配料有車打芝士、洋蔥、火箭菜、意大利黑醋。漢堡塊扒幾厚，食落幾似真既牛肉，Juicy不過唔夠結實，味道唔算出色，可能調味唔夠或者無更好既配料，車打芝士係半溶有加分，但所有配料一齊食唔夠滿足感，可能無煙肉既代替品，對比出面專做漢堡既餐廳。包比較一般，係鬆軟個種，唔稔但又唔脆，感覺無特別烤過。薯條係番薯條黎，幾軟熟同好甜，外脆內軟，但數量有D
今次介紹係一間要開門前就去排隊既素食Cafe，總店係福華街，生意太好開左分店係汝州街同係荃灣，主打素食漢堡、意大利飯，唔係素食者都值得一試因為味道唔會令人失望。
-
1️⃣ 日式咖喱吉列豬扒意大利飯 💰108（👅: 9/10）
日式咖喱吉列豬扒意大利飯
$108
35 views
2 likes
0 comments
係食過最好食既意大利飯，而且份量算多，食量唔算大可以試下叫小飯。
豬扒係用 OmniPork 新豬肉去整食，豬扒好食，唔覺食緊素，炸衣唔厚，口感無真豬肉咁結實，所以食落完全唔覺得油膩，因為食唔到肥肉油脂
咖哩汁滲入意大利飯每一寸，Risotto口感偏稔但有咬口，咖哩汁味道好夠，小小甜甜地辣辣地，而且飯夾雜左車厘茄、蘑菇、蘆筍，飯上面仲有兩塊蘋果，係誠意滿分既意大利飯，成間鋪最好食既菜色。
-
2️⃣ 不可能漢堡包💰128（👅: 7/10）
不可能漢堡包
$128
63 views
2 likes
0 comments
素牛肉漢堡，配料有車打芝士、洋蔥、火箭菜、意大利黑醋。
漢堡塊扒幾厚，食落幾似真既牛肉，Juicy不過唔夠結實，味道唔算出色，可能調味唔夠或者無更好既配料，車打芝士係半溶有加分，但所有配料一齊食唔夠滿足感，可能無煙肉既代替品，對比出面專做漢堡既餐廳。
包比較一般，係鬆軟個種，唔稔但又唔脆，感覺無特別烤過。
薯條係番薯條黎，幾軟熟同好甜，外脆內軟，但數量有D多，食落有D濟。
-
3️⃣ 黑松露蘑菇漢堡包💰98（👅: 7.5/10）
黑松露蘑菇漢堡包
$98
33 views
2 likes
0 comments
黑松露醬汁味道非常濃而且多，多到令到個包好濕潤，配搭蛋黃醬味道絕對係豐富，因為味重所以加上芝士都唔會搶走個味。
大啡菇厚身，口感滿足，juicy得黎又唔會乾。
個人覺得比不可能漢堡包更出色。
-
4️⃣ 奇異果羽衣甘藍富士蘋果燕麥奶💰48（👅: 7/10）
奇異果羽衣甘藍富士蘋果燕麥奶
$48
41 views
2 likes
0 comments
新奇既配搭，有酸有甜，唔會剩低得個甜字，幾開胃，奇異果味濃郁，係健康人士既選擇，但價錢有D貴。
5️⃣ 藍妹黑提子燕麥奶💰48（👅: 6.5/10）
藍莓黑提子燕麥奶
$48
32 views
3 likes
0 comments
味道比奇異果燕麥奶甜，個人鍾意奇異果多D。
-
🌟素食黎講係食過最好食，餐廳裝修以簡約為主，門口擺設左1D書，見到即刻文青上身，但餐廳長期滿座，環境會覺得有D迫，而且玻璃外有好多人等緊望住，係節奏好快既CAFE。
餐廳長期需要排隊，六日如果唔想等咁耐要開門前就到羅定位，如果唔係基本上要等1-2個鐘，羅完飛可以去附近搵下小食。
如果有叫番薯條基本上都飽。
-
👅味道: 8.5/10
🍴環境: 7/10
💰消費: $140人均 (服務費: 10%)
Post
