Age.3

Open Now

Now Closed

星期六去MOKO新開既Age.3食炸三文治。呢間係日本元組炸三文治既海外首間分店，好威水，唔怪之得勁多人，要有心理準備等好耐先有得拎。有個開放式廚房，見到佢地將厚切方包拎去炸，再切開一半，再將材料擺入去，就成為豐富飽滿既炸三文治啦。建議一定要即食，即食係最好食嘅。芒果杏仁豆腐呢個見到係香港限定，就一定要揀佢啦。杏仁味嘅忌廉幼滑又唔太甜，加埋粒粒芒果，當甜品食一流。鮮奶油用北海道鮮奶油製作，奶味幾香，甜度啱啱好，而家做緊$8優惠就非常之抵，值得一試。焦糖燉蛋焦糖燉蛋相對甜少少，但同樣非常幼滑。芝士咖喱肉醬味道辣辣地，有一層芝士係面，啱晒想食鹹既人士。日式半熟蛋拿坡尼意粉有隻煎半熟蛋，食食吓會爆啲蛋汁出嚟，再撈埋意粉一齊食，好食。