Pancake 專門紗織 (Closed)

今日同男朋友喺銅鑼灣行街 行到攰攰地諗住搵間餐廳坐下食吓嘢 呢一間餐廳好吸引我眼球 門口好多日式貓貓嘅掛畫 三餐四季都有佢陪伴😍今日叫咗兩個餐 因為我比較細食所以叫咗個甜品男朋友叫咗個輕食香燒牛小排蘑菇汁男朋友話好好食 燒得好嫩口 比較薄身但係好重牛肉味 足足有五大片！充滿油脂香嘅牛小排 配搭埋佢嘅蘑菇汁真係冇得頂！蘑菇汁好濃郁好澀 裏面仲有蘑菇粒做配搭 烏冬配蘑菇汁真係好夾！個餐仲會跟埋餐湯 今日係粟米湯 好濃郁入味仲有餐飲同沙律 超抵食！我就叫咗個甜品-黑摩卡班戟Pancake幾鬆軟 面層個雪糕球係雲呢拿味 再配埋朱古力脆醬 唔會太膩 同大家講 呢度嘅雪糕球可以自選口味😋可以揀番啱你哋鍾意嘅口味！一冷一熱 水火交融嘅感覺 呢個甜品好邪惡都想食多幾舊！🙈